हमर अंगना Hamar Angana - Chhattisgarhi (CG): कविता

कविता लेबलों वाले संदेश दिखाए जा रहे हैं. सभी संदेश दिखाएं

कहां पनहाथ _ Kaha Panhath_HaMar Angana

कुकुर मन पूछी ल अपन संहुराथे

मियाऊं-मियाऊं राग बिलईय्या गाथे

मनखे म मनखे के

कहां हे बिसवास,

सुवारथ म बस अपन

मुड़ी ला नवाथे।

सबके मन, पीरा के बसे हे संसार

हरहिंसा जिनगी ला कउन जी पाथे

बिन मतलब के चिंता म

बोहे हे अगास,

मंगरा कस अपने आंसू ल बोहाथे।

सबके एकठन मतलब हे

ये जिनगी के,

दुख के आंसू के मोल

कउन लगाथे।

सावन के अंधरा ल दिखे

सबो हरियर,

बिन बिहाय गाय ह

कहां पनहाथे।

सबके सुर अलग हे

अलगे हावे राग,

चिरई, एके खोंधरा म

कहां रहि पाथे।

- बलदाऊ राम साहू,

RSS Feed Widget

भोभरा जरत हे (Bhombhra Jarat he)

भोंभरा जरत हे राम

लकलक ले जरत हे भुइयां

नइ दिखय कोनो जगा छाइहा

सुहात नइए कुछू बूता काम

भोंभरा जरत हे राम।

चिरई लकाहे भोंगरा में

जपय कृष्ण हरे राम

भोंभरा जरत हे राम।

सुरूज करे अलकरहा अंजोर

सुन्ना दिखे गांव, गली, खोर

घर कुरिया म सब करे अराम

भोंभरा जरत हे राम।

घरों-घर करसी के पानी

सुनावत हे सबके कहानी

भजले-भइया सीता राम-राम

भोभरा जरत हे राम

जितेंद्र ‘सुकुमार’

सब वोकरे संतान ये संगी..(Sub Okre Santan Ye Sangi..)

सोन-पांखी के फांफा-मिरगा या बिखहर हो जीव

सबके भीतर बन के रहिथे एकेच आत्मा-शिव

तब कइसे कोनो छोटे-बड़े या ऊंँचहा या नीच

सब वोकरे संतान ये संगी जतका जीव-सजीव

सुशील भोले
मयारु माटी
मेरे गीत सुनें-
Youtube

हमरे यह जीवन या विधा ते (Hamare Yah Jivan Ya Vidha te)

कबहूं सतसंग में रंग रहै, कबहूॅ उर आनंद ते बिहरें।

कबहूं कवि सुन्दर काव्य करै, कबहूॅ उपदेशन को उचरै।।

कबहूं पर के उपकारन में, निवछावर ये तन प्राण करै।

हमरे यह जीवन या विधा ते, कबधौ करूणाकर पार करें।।

परयावरण ( साफ रख चारो कोती )

चारोे कोती तोर रे, का का हे तै देख ।
धरती अगास पेड रूख, हवा पानी समेख ।।
हवा पानी समेख, जेखरे ले जिनगी हे ।
‘पंच-तत्व‘ हा आज, परयावरण कहाय हे ।
करव ऐखर बचाव, आय जिनगी के मोती ।
गंदगी ला बहार, साफ रख चारो कोती ।।

प्रस्तुतकर्ता:
रमेशकुमार सिंह चौहान
नवागढ जिला-बेमेतरा (छ.ग.)