भड़ौनी
................
दर बर दर आये समधी,
कोठा मां हमाय हो।
सूपा सूपा किरनी चाबिस,
भितिया मां खजवाये हो।
आनी बानी के आये बरतिया,
मड़वा मां डारे बांस हो।
सोहाग देखे बर निकरे सुबासा
जर जाय तोरे नाक हो।
बने-बने तोला जानेंव समधी,
मड़वा मां डारेंव बांस रे।
झाला पाला लुगरा लाने,
जरे तुंहर नाक रे।
दार करे चांउर करे,
लगिन ला धराये रे।
बेटा के बिहाव करे,
बाजा ला डर्राये रे।
मेछा हावे लाम-लाम,
मुंहू हावे करिया रे।
समधी बिचारा का करे,
पहिरे हावे फरिया रे।
मेछा हावे कर्रा-कर्रा,
गाल हे तुंहर खोधरा रे।
ज्यादा झिन अटियाव समधी,
होगे हावे डोकरा रे।
कोई टिप्पणी नहीं:
एक टिप्पणी भेजें
Thank you for Comment..