रतिहा के गुसीआएं, अब ले बोलत नई अस ।
अब मान जा ना रे जोही, मोर जीयरा जरय। अब मान जा...
कोयली कस बोली, तोर हसी अऊ ठिठोली,
सुने बर रे पिरोहील, मोर मनुवा तरसय । अब मान जा...
चंदा बरन तोर रूप, राहू कस गुस्सा घूप,
लगाय हे रे ग्रहण, अंधियार अस लागय । अब मान जा...
तोर गोरी गोरी गाल, गुस्सा म होगे ह लाल,
तोर गुस्सा ह रे बैरी, आगी कस बरय । अब मान जा...
होही गलती मोर, मै कान धरव
तोर मया बर रे संगी, मै घेरी घेरी मरव । अब मान जा...
प्रस्तुतकर्ता:
रमेशकुमार सिंह चौहान
नवागढ जिला-बेमेतरा (छ.ग.)
प्रस्तुतकर्ता:
रमेशकुमार सिंह चौहान
नवागढ जिला-बेमेतरा (छ.ग.)
कोई टिप्पणी नहीं:
एक टिप्पणी भेजें
Thank you for Comment..